«Գարուն է գալիս». «Նարեկացի» արվեստի միությունում տեղի է ունեցել ասեղնագործ կտավների ցուցադրություն
«Նարեկացի» արվեստի միությունում տեղի է ունեցել գեղանկարչուհի, ասեղնագործող, ՀՀ ժողովրդական վարպետ Մարիետա Մարտիրոսյան-Ալեքսանյանի անհատական ցուցահանդեսի բացումը:
«Գարուն է գալիս» խորագիրը կրող ցուցահանդեսին ներկայացվել են հեղինակի ասեղնագործ կտավները:
Միջոցառման գեղարվեստական մասի բացումն ազդարարվել է Մարիետա Մարտիրոսյան-Ալեքսանյանի խոսքերի հիման վրա գրված երաժշտական ստեղծագործությամբ, որը կատարել է աշուղ Նազելին:
Ցուցահանդեսի բացմանը ելույթի խոսքով հանդես են եկել գեղանկարչուհու ընկերներն ու հարազատները:
Մարիետա Մարտիրոսյան-Ալեքսանյանը հանդես է եկել անհատական և խմբակային ցուցահանդեսներով՝ արժանանալով բազմաթիվ պատվոգրերի:
Ցուցահանդեսը բաց է մինչև մայիսի 4-ը:
Հետևի՛ր մեզ քեզ հարմար սոցիալական ցանցում