«Լոռու մարզում դպրոցների տնօրեններին ճնշում են». Արմեն Եղիազարյան
«Լուսավոր Հայաստան» խմբակցության պատգամավոր Արմեն Եղիազարյանն այսօր խորհրդարանում հայտարարել է, որ Լոռու մարզում դպրոցների տնօրենների նկատմամբ ճնշումները շարունակվում են։
«Երեկ ես հայտարությունների ժամին ներկայացրեցի, թե ինչպես է Լոռու մարզում մարզպետարանի կողմից ճնշումներ գործադրվում տնօրենների նկատմամբ Քաղաքացու օրվա տոնակատրությանը չմասնակցելու համար։
Այսօր այս պահին, երբ որ մեր վարչապետը ասուլիս է տալիս և փաստում, որ ՀՀ-ում այլևս վերացել են ճնշումները, և չկա սուպերվարչապետական մոդելը, Լոռու մարզում հենց այս պահին նույն տնօրենները ճնշումների են ենթարկվում, նրանց կանչում են, որ հերքումներ գրեն այդ բողոքի հետ կապված։ Սա խայտառակ մոտեցում է, և ինքն ակնկալում է, որ կառավարությունն անպայման կանդրադառնա այս խնդրին և ժամ առաջ բացառի նման վարքագիծը»,- նշել է պատգամավորը։