Մայիսի 13-ին Թուրքիայում մեկնարկել են երկրի պատմության մեջ ամենալայնամասշտաբ ծովային պլանավորված զորավարժությունները։ Զորավարժությունն միաժամանակ ընթանում է միանգամից 3 ծովերում (Միջերկրական, Սև, Էգեյան)։ Այս մասին գրում է «Էրմենիհաբեր»-ը։

Զորավարժությանը մասնակցում է 131 ռազմանավ (ֆրեգատ, կորվետ), 57 ինքնաթիռ և 33 ուղղաթիռ, ինչպես նաև սուզանավեր։ Մասնավորապես զորավարժությանը մասնակցելու են F-16 կործանիչ և F-14 ռազմական ինքնաթիռներ, ինչպես նաև պարեկային ուղղաթիռներ։ Զորավարժություններին մասնակցում է 25.900 զինանձնակազմ։

Ուշագրավ է, որ hիմնականում օգտագործվելու են թուրքական արտադրության զինատեսակներ։ Գործի են դրվելու նաև ռազմանավերի վրա տեղադրված տեղական ՀՕՊ համակարգեր, UMTAS տեսակի հրթիռներ և այլ զինատեսակներ։ Զորավարժությունները ավարտվելու են մայիսի 25-ին։