Մոսկվան 2020թ-ից կանցնի աղբի տեսակավորման
2020թ-ի հունվարի 1-ից Մոսկվան կանցնի աղբի տեսակավորման: Քաղաքապետ Սերգեյ Սոբյանինը ստորագրել է համապատասխան հրամանագիրը:
2020թ-ի սկզբին Մոսկվայում հատուկ կոնտեյներներ կտեղադրեն, որոնց շահագործումը կսկսվի հունվարի 1-ից:
«Բազմաբնակարան տների կոնտեյներային հարթակներում հատուկ տարաներ կտեղադրվեն երկրորդական հումքի համար (պլաստիկ, թուղթ, ստվարաթուղթ, մետաղ՝ ալյումինի տարաներ): Մյուս թափոնները նախկինի պես գոյություն ունեցող կոնտեյներում կկուտակվեն»,- ասվում է քաղաքապետարանի հաղորդագրության մեջ, հայտնում է Esquire.ru-ն:
Բնակելի տներից բացի աղբի տեսակավորման կանցնեն նաև սոցիալական ոլորտի հաստատությունները, խանութները, ենթակառուցվածքային այլ օբյեկտներ:
Հետևի՛ր մեզ քեզ հարմար սոցիալական ցանցում