«Սանիթեքը» 2 տարբեր դատական հայց է ներկայացրել Երևանի քաղաքապետարանի դեմ՝ պահանջելով մոտ 65 մլն դրամի գումար բռնագանձել։ Այդ մասին տեղեկանում ենք «Դատալեքս» տեղեկատվական համակարգից։

Առաջին հայցը, որը ներկայացրել է «Սանիթեք ինթերնեյշնլ» ընկերությունը, վարույթ է ընդունվել հուլիսի 1-ին։ Հայցվորը պահանջում է քաղաքապետարանից բռնագանձել մոտ 25 մլն դրամ, երկրորդ դեպքում հայցվոր է «Սանիթեքի» հայաստանյան մասնաճյուղը՝ 40 մլն դրամ պահանջով, հայտնում է Civilnet-ը:

Ընկերության շահերը դատարանում ներկայացնում է փաստաբան Վանիկ Մարգարյանը: Նա միայն տեղեկացրել է, որ «պայմանագրային վեճ է, ընկերությանը չեն վճարվել կատարված ծառայությունների դիմաց որոշ գումարներ»։