Լյովա Գևորգյանը դարձել է պատանիների աշխարհի առաջնության բրոնզե մեդալակիր
Բուլղարիայի մայրաքաղաք Սոֆիայում ընթացող ըմբշամարտի պատանիների աշխարհի առաջնությանը, պատանիների Եվրոպայի գործող չեմպիոն, 92 կգ քաշային Լյովա Գևորգյանին հաջողվել է դառնալ աշխարհի առաջնության բրոնզե մեդալակիր։
Երրորդ տեղի համար պայքարում նա 7։4 հաշվով առավելության է հասել հնդիկ Մոնու Դահիյաի նկատմամբ։
Լյովա Գևորգյանը պայքարը սկսել էր 1/8 եզրափակչից, որտեղ 11։0 հաշվով հաղթել էր բելառուս Վլադիսլավ Կազլովին, ¼ եզրափակչում 12։2 հաշվով առավելության էր հասել Ուզբեկստանը ներկայացնող Ռավշանբեկ Ջումաբոևի նկատմամբ, կիսաեզրափակչում 3։6 հաշվով զիջել էր Իրանի ներկայացուցիչ Յուսեֆի Սանգանիին, ով դարձել էր պատանիների աշխարհի չեմպիոն։
Հետևի՛ր մեզ քեզ հարմար սոցիալական ցանցում