Սեպտեմբերին Երևանի քաղաքապետարանը` ՀՀ կրթության, գիտության, մշակույթի և սպորտի նախարարության աջակցությամբ, կիրականցնի «Մաեստրո Մանսուրյան» համերգաշարը՝ նվիրված մեծանուն կոմպոզիտոր Տիգրան Մանսուրյանի 80-ամյակին:

Քաղաքապետարանի ֆեյսբուքյան պաշտոնական էջի փոխանցմամբ, համերգներ կլինեն սեպտեմբերի 1-ին՝ ժամը 20:00-Ստեփանակերտի Վերածննդի հրապարակում, կներկայացվի Մանսուրյանի կինոերաժշտությունը:

Սեպտեմբերի 4-ին՝ ժամը 19:00-ին Կոմիտասի անվան կամերային երաժշտության տանը կներկայացվի Մանսուրյանի կամերային ստեղծագործությունների ընտրանին, սեպտեմբերի 5-ին՝ ժամը 19:00-ին, Արամ Խաչատրյան համերգասրահում կներկայացվի նրա սիմֆոնիկ ստեղծագործությունների ընտրանին:

Սեպտեմբերի 7-ին՝ ժամը 19:00-ին Ա. Սպենդիարյանի օպերայի և բալետի ազգային ակադեմիական թատրոնում, իսկ սեպտեմբերի 13-ին՝ ժամը 19:00-ին, Գյումրիի Սև Բերդում Տիգրան կներկայացվի Մանսուրյանի կինոերաժշտությունը:

Համերգաշարը նոր գործիքավորմամբ ու մոտեցմամբ կներկայացնի Հայաստանի պետական սիմֆոնիկ նվագախումբը՝ դիրիժոր Սերգեյ Սմբատյանի ղեկավարությամբ։