2018-ի հունվար ամսվա ընթացքում Թուրքիայից Ադրբեջան է արտահանվել 1,5 մլն զինամթերք
2018-ին հունվարին Թուրքիան Ադրբեջան է արտահանել 1․559․000 ամերիկյան դոլարի ռազմական և ավիացիոն նշանակության արտադրանք: Անցած տարի նույն ժամանակահատվածում արտահանումը կազմել է 253․000 դոլար: Այսինքն 2018-ի սկզբին արտահանումը անցած տարվա հետ համեմատած աճել է մոտ 6 անգամ:
Տվյալները հրապարակվել են Թուրքիայի արտահանողների խորհրդի (Türkiye İhracatçılar Meclisi — TİM) կայքում: Փոխանցում է razm.info-ն։
Տարվա սկզբին Թուրքիան Վրաստանին մատակարարել է 247․000 ԱՄՆ դոլարի ռազմական-ավիացիոն արտադրանք: 2017-ի հունվարին արտահանումը կազմել է 428 հազար դոլար:
2018-ի հունվարին Իրանին մատակարարվել է 247․000 դոլարի ռազմական-ավիացիոն արտադրանք: Նախորդ տարվա նույն ժամանակահատվածում Իրան արտահանումը կազմել է 331․000 դոլար:
2017-ի ընթացքում արված վաճառքներն են՝.
- Ադրբեջան — 34 մլն դոլար
- Վրաստան — 5,2 մլն դոլար
- Իրան — 4,5 մլն դոլար
2018-ի սկզբին Թուրքիայից ամենաշատ ռազմական-ավիացիոն արտադրանքներ ստացած երկրներն են.
- ԱՄՆ — 48,3 մլն դոլար
- Գերմանիա — 14,8 մլն դոլար
- Չինաստան — 8,2 մլն դոլար
Տարվա սկզբից Թուրքիայից այլ երկրներ է արտահանել շուրջ 109 միլլիոն դոլարի ռազմական-ավիացիոն արտադրանք: