Հայաստանում սնանկացման գործերով դատարան կբացվի
Հայաստանում 2019 թ․-ին սնանկության գործերով դատարան կստեղծվի:
Այս մասին փետրվարի 20-ին մամուլի ասուլիսի ժամանակ հայտնել է արդարադատության նախարար Դավիթ Հարությունյանը: Փոխանցում է news.am-ը։
Այսպիսի դատարանի ստեղծումը կնպաստի դատարանների ծանրաբեռնվածության նվազեցմանը: Նույն նպատակներով Երևանի դատարանները միավորվել են և ընդհանուր իրավասությամբ մեկ դատարան է ստեղծվել՝ բոլոր տարածքային բաժանումներով:
Այս աշխատանքի մեկ այլ ուղղությունը կոռուպցիոն ռիսկերի նվազեցումն է: Այլ նորարարությունների շարքում նախարարը նշել է նոտարների դերի բարձրացումը և դատավորի միջամտություն չպահանջող գործերով քննման համար ինստիտուտի ստեղծումը:
Աղբյուրը` այստեղ
Հետևի՛ր մեզ քեզ հարմար սոցիալական ցանցում