Հյուսիսային կիսագնդի ամենագեղեցիկներից մեկը համարվող  Հեմինիդայի ասուպային հոսքը կհասնի իր առավելագույնին դեկտեմբերի 14-ին՝  չորեքշաբթի լույս հինգշաբթի գիշերը։ Լավ եղանակային պայմանների դեպքում ժամում կերևա 100 ասուպ, հաղորդում է ՏԱՍՍ-ը։

Հեմինիդան իր անվանումը ստացել է Երկվորյակ համաստեղության անվան լատիներեն տարբերակից, այս համաստեղությունում է գտնվում հոսքի ռադիանտը՝ շրջանը, որտեղից տեսականորեն թռչում են ասուպները։

Պլանետարիումի փորձագետները նշում են, որ նորալուսնի  փուլը կսկսվի դեկտեմբերի 18-ին։

Sky&Telescope աստղագիտական ամսագիրը գրում է, որ Հեմինիդան դիտելու համար հատուկ սարքավորումներ պետք չեն, ամենապայծառ ասուպները լավ եղանակին կարելի կլինի դիտել նույնիսկ խոշոր քաղաքների լուսային խավարումների ժամանակ։ Ավելի լավ կլինի տաք հագնվել, գտնել մութ տեղ, աչքերին տալ 20 րոպե ադապտացվելու համար և նայել երկնքի ամենամութ հատվածին, փնտրել այնտեղ Երկվորյակ համաստեղությունը պարտադիր չէ։

Հեմինիդան 3200 Ֆաետոն աստերոիդների մասնիկների հոսք է՝ հայտնաբերված 1983 թվականին (ասուպների հոսքը հայտնի է 1862 թվականից)։ Ֆաետոն փոքր ասուպ է շուրջ 5 կմ դիամետրով, որն հայտնի է նրանով, որ իր ուղեծրով  այլ աստերոիդների համեմատությամբ  ամենաշատն է մոտենում Արևին։

Աստերոիդը Երկրին ամենամոտն է գտնվում  դեկտեմբերի կեսին, և նրան կարելի է տեսնել Հեմինիդի մաքսիմումից հետո՝ ցանկացած միջին հեռավորության հեռադիտակով։