Որևէ տնօրեն պարտավորություն չունի դպրոցում ունենալ ՀՀ ղեկավարի նկարը․ ԿԳ նախարար
Կրթության և գիտության նախարար Արայիկ Հարությունյանը հայտարարել է, որ տնօրենները պարտադրված չեն Հայաստանի ղեկավարի նկարը փակցնել: Այս մասին նախարարը գրառում է կատարել իր ֆեյսբուքյան էջում․
«Դպրոցների հարգելի տնօրեններ և ղեկավարություն, ինձ տեղեկություններ են հայտնում, որ նախորդ իշխանությունների նկարները հանելու փոխարեն հիմա դրանք փոխարինվում են մեր նոր ղեկավարների նկարներով:
Որևէ տնօրեն պարտավորություն չունի դպրոցում ունենալ ՀՀ ղեկավարի կամ որևէ առաջնորդի նկար: Պետականության անկյուններում ներկայացվում են ՀՀ պետական խորհրդանիշները՝ պետական դրոշ, զինանշան, հիմնի բառերը...
Նախորդ շաբաթ Ձեզ ուղարկվել է շրջաբերական այս խնդրի վերաբերյալ»:
Հետևի՛ր մեզ քեզ հարմար սոցիալական ցանցում