Ադրբեջանում ձերբակալել են հայկական երգ հնչեցրած DJ-ին
Ադրբեջանի Նաբրանի քաղաքի հանգստի գոտիներից մեկում անցկացվող միջոցառումն ընդհատվել է ոստիկանության կողմից՝ հայկական երաժշտություն միացնելու պատճառով։
Ինչպես հայտնում է Median.az-ը, հայկական երաժշտություն միացնելու փաստը զայրացրել է քաղաքացիներին, ովքեր էլ բողոքել են ոստիկաններին։ Դեպքի վայր ժամանել է անձամբ Խուդաթի շրջանի ոստիկանության վարչության պետը։
Ոստիկանությունը շրջապատել է հանգստի կենտրոնի DJ Նագիև Աբդուլ Հալիգ օղլուին: Նագիևը, որը դիմադրություն է ցույց տվել ոստիկանությանը, ձերբակալվել է և բերման ենթարկվել ոստիկանության բաժանմունք:
Ըստ DJ-ի, երաժշտությունը նա վերցրել է հանգստի կենտրոնի պետի համակարգչից:
Խաչմազի շրջանային դատարանի որոշմամբ Նագիևը ձերբակալվել է 10 օրով:
Հետևի՛ր մեզ քեզ հարմար սոցիալական ցանցում