ԿԳ նախարարը հորդորում է ծնողներին չգնել Հեղափոխության խորհրդանիշներով դպրոցական պարագաներ
ՀՀ կրթության և գիտության նախարար Արայիկ Հարությունյանն իր ֆեյսբուքյան էջում հորդորել է ծնողներին չգնել Թավշյա հեղափոխության խորհրդանիշներով դպրոցական պարագաներ․
«Վերջին օրերին համացանցում հայտնվել են հրապարակումներ, որոնց համաձայն՝ որոշ ձեռներեցներ վաճառում են Հեղափոխության խորհրդանիշներով դպրոցական պարագաներ՝ գրիչներ, օրագրեր, տետրեր և այլն: Հասկանալով հանդերձ Հեղափոխությամբ պայմանավորված ոգևորությունը՝ այդուամենայնիվ վերահաստատում ենք դպրոցներն ապաքաղաքականացնելու մեր հանձնառությունը, և կոչ եմ անում ու հորդորում ծնողներին չգնել նման արտադրանք իրենց դպրոցահասակ երեխաների համար», - գրել է նախարարը:
Հետևի՛ր մեզ քեզ հարմար սոցիալական ցանցում