«Ժողովուրդ» թերթը գրում է.

«Ներքին զորքերի նախկին հրամանատար Լևոն Երանոսյանի հայրենի գյուղում՝ Ջրառատում, ՀՀ Արմավիրի մարզպետարանը ստուգումներ է իրականացրել և հայտնաբերել լուրջ խախտումներ և թերություններ:

Ջրառատի գյուղապետ Սամվել Գալստյանը Երանոսյանի քրոջ որդին է, ուստի թերթը նկատել, որ այս համայնքը պատահական չի ընտրվել: Թերթը պարզել է, որ համայնքի ավագանու մի քանի անդամներ մասնակցություն են ցուցաբերել` կողմ քվեարկելով աղմկահարույց մի շարք որոշումների, որոնք առնչվել են իրենց հետ մերձավոր ազգակցությամբ կամ խնամիությամբ կապված անձանց շահերին»: