«Իրավունք» թերթն իր բամբասանք խորագրի ներքո գրում է.

«Նիկոլ Փաշինյանի և ԲՀԿ նախագահ Գագիկ Ծառուկյանի երեկվա հանդիպումն ավարտվեց նրանով, որ կողմերը հուշագիր ստորագրեցին դեկտեմբերին ՀՀ-ում արտահերթ խորհրդարանական ընտրություններ անցկացնելու վերաբերյալ:

Մեր ունեցած տեղեկություններով՝ այս որոշումն ամենևին էլ ԲՀԿ-ի գաղափարական թևի սրտով չէ, հատկապես նրանց, որոնք վերջին շրջանում անընդհատ հայտնվել են թիրախում՝ ԲՀԿ-ի տեսակետը պաշտպանելով:

Սակայն այս հարցը, թերևս ոչ ոքի չի հուզում, ավելին՝ ըստ շրջանառվող լուրերի, ԲՀԿ-ի շարքերից կհեռանան առանցքային դեմքեր»: