Կամերային երաժշտական թատրոնի տնօրենը պատգամավորի թեկնածու կառաջադրվի ԲՀԿ-ի կողմից
Կամերային երաժշտական թատրոնի տնօրեն, Երևանի ավագանու ԲՀԿ խմբակցության անդամ, նախկին լրագրող Հռիփսիմե Առաքելյանը մասնակցելու է դեկտեմբերի 9-ին կայանալիք խորհրդարանական ընտրություններին։
Նա ֆեյսբուքյան իր էջում գրել է.
«Սիրելի ընկերներ ջան, դեկտեմբերի 9-ի արտահերթ խորհրդարանական ընտրություններում, պատգամավորության թեկնածու եմ առաջադրվելու թիվ 1 ընտրատարածքում (Ավան, Նոր Նորք և Քանաքեռ-Զեյթուն վարչական շրջաններ) «Բարգավաճ Հայաստան» կուսակցության կողմից՝ ռեյտինգային ընտրակարգով։ Հավատում եմ,որ անպայման կաջակցեք ինձ»:
Նշենք, որ Հռիփսիմե Առաքելյանը Երևանի ավագանու ԲՀԿ խմբակցության 5 անդամներից մեկն է. պատգամավոր ընտրվելու դեպքում նրա փոխարեն Երևանի ավագանու ԲՀԿ խմբակցությունը նոր անդամ կունենա:
Հետևի՛ր մեզ քեզ հարմար սոցիալական ցանցում