Իրանի վրա օդային հարձակումը ջախջախիչ պատասխան կստանա՝ հայտարարել է Իրանի պաշտպանության նախարար, բրիգադային գեներալ Ամիր Խաթամին:

Այս մասին տեղեկացնում է news.am-ը։

Նրա խոսքերով՝ Իրանի ղեկավարությունն այդ ոլորտում այնպիսի հնարավորություններ ունի, որ եթե «թշնամիները Իրանի դեմ օդում քայլեր անեն, այնպիսի պատասխան կստանան, որը նրանց կստիպի ափսոսալ իրենց գործողությունների համար»։ Խաթամին նշել է, որ Իրանը աերոտիեզերական տեխնիկայի, մարտական տակտիկայի, ծովային արդյունաբերության բարձր մակարդակի կանխարգելիչ ուժեր ունի, և հավելել է, որ երկիրն այդ ոլորտներում համաշխարհային տերություն է։