ՀՀ առաջին փոխվարչապետի պաշտոնակատար Արարատ Միրզոյանը, լրագրողների հետ զրույցում անդրադառնալով պետական համակարգի օպտիմալացմանը, նշել է, որ նախարարությունների թիվը հնարավոր է 17-ից դառնալ 11:

«Խոսում ենք 9-11 նախարարություն ունենալու մասին: Մենք ունենք պետական կառավարման շատ ուռճացված համակարգ: Պետք է այս ամբողջը վերանայել, բոլորի գոյությունը հատ-հատ վերաիմաստավորել, եթե, իսկապես, անհրաժեշտ է, որ որևէ այդպիսի կառույց լինի, ապա կմնա, եթե ոչ՝ կտարրալուծվի կամ կմիաձուլվի այլ կառույցների հետ», - ասել է Միրզոյանը:

Ավելի վաղ ՀՀ վարչապետի պատոնակատար Նիկոլ Փաշինյանը հայտարարել էր, որ պետական կառավարման համակարգը օպտիմալացվելու է: