Այսօր առաջին ընթերցմամբ ընդունվել է ՀՀ նախագահի նստավայրը Բաղրամյան 26 տեղափոխելու օրինագիծը
Ազգային ժողովն արտահերթ նիստում ընդունել է ՀՀ նախագահի նստավայրը Մաշտոցի 47 հասցեից Բաղրամյան 26 տեղափոխելու մասին օրինագիծը: Նախագիծն ընդունվել է առաջին ընթերցմամբ:
Օրինագիծը կոչվում է «Պաշտոնատար անձանց գործունեության ապահովման, սպասարկման և սոցիալական երաշխիքների մասին» Հայաստանի Հանրապետության օրենքում փոփոխություններ և լրացում կատարելու մասին» նախագիծ:
Օրինագծով նաև վարչապետի նստավայրը Բաղրամյան 26-ից տեղափոխվում է Հանրապետության հրապարակ՝ կառավարական տուն 1:
Կողմ է քվեարկել 54 պատգամավոր, դեմ քվեարկածներ չեն եղել, 2-ը՝ ձեռնպահ է մնացել:
Հետևի՛ր մեզ քեզ հարմար սոցիալական ցանցում