Այս տարի Երևանի Հանրապետության հրապարակում գլխավոր տոնածառը նորն է լինելու: Այս պահին հրապարակում ընթանում են նոր տոնածառի տեղադրման աշխատանքները, որը համակարգում են ռուսական ընկերության ներկայացուցիչները, որոնք էլ հենց բերել են տոնածառը:

Կազմակերպության ռուս ներկայացուցիչները նշել են, որ նոր տոնածառն ունենալու է 35 մետր, որը 3 մետրով բարձր է լինելու վերջին 7 տարիներին տեղադրվող տոնածառի բարձրությունից: Փոխանցում է news.am-ը։

«Տոնածառը Ռուսաստանից ենք բերել, Հայաստանի Կառավարությունն է պատվիրել: Այն կունենա պայծառ լուսավորություն: Լույսերի երկարությունը հասնում է 220 կմ-ի: Շատ են լինելու խաղալիքները: Շատ գեղեցիկ է լինելու»,- նշել են նրանք՝ հավելելով, որ այս նույն տոնածառից աշխարհում մի քանի տեղ կա, այդ թվում Ռուսաստանում: