Հարուցվել է քրեական գործ՝ պայմանագրային զինծառայողի մահվան դեպքի առթիվ
Դեկտեմբերի 1-ին՝ ժամը 20:50-ի սահմաններում, ՀՀ ՊՆ N զորամասի պահպանության շրջանի մարտական դիրքում, մահացու հրազենային վնասվածքով հայտնաբերվել է պայմանագրային զինծառայող Գոռ Աղվանի Սարգսյանը (ծնված 1987թ., զինված ուժերում էր 2016թ.-ից, Նոր Նորքի զ/կ): Այս մասին հայտնում են Պաշտպանության նախարարությունից։
Քննչական կոմիտեից էլ տեղեկացնում են, որ դեպքի առթիվ ՀՀ ՔԿ ԶՔԳՎ ութերորդ կայազորային քննչական բաժնում ՀՀ քրեական օրենսգրքի 110-րդ հոդվածի 1-ին մասով (ինքնասպանության հասցնել) հարուցվել է քրեական գործ, կատարվում է նախաքննություն:
Հետևի՛ր մեզ քեզ հարմար սոցիալական ցանցում