Նիկոլ Փաշինյան. «Նախիջևանում 11,000 հա «ազատագրելու» մասին Ադրբեջանի լուրը կեղծ է»
ՀՀ վարչապետի պաշտոնակատար, «Իմ քայլը» դաշիքնի առաջնորդ Նիկոլ Փաշինյանը Արարատի մարզում նախընտրական հանդիպման ժամանակ ասել է, որ Նախիջևանում 11,000 հա «ազատագրելու» մասին Ադրբեջանի լուրը կեղծ է:
«Իմ վարչապետ ընտրվելուց հետո շատ արագ Ադրբեջանը հայտարարեց Նախիջևանում 11,000 հեկտար «ազատագրելու» մասին, և ցավալիորեն Հայաստանում եղան ուժեր, որոնք գիտակցաբար, կամ անգիտակցաբար, տուրք տվեցին այդ ապատեղակտվությանը: Ես հույս ունեմ, որ դուք՝ Արարատի բնակիչներդ, հենց սկզբից եք իմացել, որ դա կատարյալ անհեթեթություն է, և որ ՀՀ ԶՈւ-ն, ինչպես նախկինում, այնպես էլ հիմա վստահորեն պաշտպանում է մեր սահմաններն ու անվտանգությունը», - ասել է Փաշինյանը:
Նա նշել է, որ հայկական կողմն ամբողջությամբ տիրապետում է ռազմավարական նախաձեռնությանը հայ-ադրբեջանական սահմանի Նախիջևանի հատվածում: