«Էդիկ Բաբայանին ես Ազգային ժողով չեմ բերել, նրան ժողովուրդն է բերել». Գագիկ Ծառուկյան
Այսօր՝ ԱԺ անդրանիկ նիստից առաջ ԲՀԿ առաջնորդ Գագիկ Ծառուկյանը նշել է․
«Արդեն վաղուց՝ որոշ ժամանակ է, Էդիկ Բաբայանը ոչ թե անվտանգության պետ է, այլ Օլիմպիական կոմիտեի նախագահի օգնականը։ Սարգսյան Արամն է անվտանգության պետը»։
Լրագրողների հարցին՝ Բաբայանին ԱԺ բերել է, որպեսզի վերջինս անձեռնմխելիություն ստանա և խուսափի քրեական պատասխանատվությունից, Գագիկ Ծառուկյանը պատասխանեց.
«Պարոն Բաբայանին ես Ազգային ժողով չեմ բերել, նրան ժողովուրդն է բերել, որ ամենաշատ ձայներն է հավաքել»։
Նա խոստացավ նիստին գրանցվելուց հետո պատասխանել լրագրողների բոլոր մյուս հարցերին։
Լրագրողներն, այնուամենայնիվ, հետաքրրքվեցին՝ Ծառուկյանի կարծիքով, ԱԺ փոխնախագահի պաշտոնն իրե՞նց, թե Լուսավոր Հայաստանին բաժին կհասնի։
«Ինձ ինչի՞ եք հարցնում»,- պատասխանեց ԲՀԿ առաջնորդը։
Հետևի՛ր մեզ քեզ հարմար սոցիալական ցանցում