ՀՀ վարչապետի որոշմամբ ստեղծվել է ՀՀ ժողովրդական արտիստ, մանկավարժ, պրոֆեսոր, բեմադրիչ Ռաֆայել Ջրբաշյանի հուղարկավորության կազմակերպման հանձնաժողով:

Մշակույթի նախարարության հաղորդմամբ, Ռաֆայել Ջրբաշյանի հոգեհանգստի արարողությունը տեղի կունենա Կոնդի Սուրբ Հովհաննես եկեղեցում, հունվարի 17-ին, ժամը` 18:00-20:00, վերջին հրաժեշտը` Կոմիտասի անվան կամերային երաժշտության տանից, հունվարի 18-ին, ժամը` 11:00-13:00։ Նա կհուղարկավորվի Երևանի քաղաքային պանթեոնում (Թոխմախ):

Հիշեցնենք, որ Ռաֆայել Ջրբաշյանը մահացել է այսօր։