Մադրիդում բողոքի ակցիա է անցկացվել` կատալոնական իշխանությունների հետ երկխոսությունը դադարեցնելու պահանջով
Տասնյակ հազարավոր մարդիկ են դուրս եկել Մադրիդի փողոցներ` բողոքելով երկրի կառավարության և կատալոնական իշխանությունների միջև հնարավոր բանակցությունների անցկացման դեմ:
Ակցիային մասնակցել է մոտ 45 հազար ցուցարար:
Իսպանիայի աջակողմյան Ժողովրդական և «Քաղաքացիներ» կուսակցությունները հայտարարել են, որ երկրի վարչապետ Պեդրո Սանչեսի` Կատալոնիայի անկախության կողմնակիցների հետ բանակցելու նպատակով միջնորդ նշանակելու ծրագիրը հավասար է դավաճանության:
Նշվում է, որ ավելի վաղ, կատալոնական կողմը մերժել է Իսպանիայի կառավարության այդ առաջարկը և շարունակում է պաշտպանել այդ հարցով հանրաքվե անցկացնելու գաղափարը:
Հետևի՛ր մեզ քեզ հարմար սոցիալական ցանցում