Փետրվարի 11-ին «Երկրապահ կամավորական միության» (ԵԿՄ) վարչության նիստում ՀՀ ԱԺ «Իմ քայլը» խմբակցության պատգամավոր Սասուն Միքայելյանն առաջադրվել է միության նախագահի պաշտոնում, հայտնում է ԵԿՄ լրատվական ծառայությունը:

Կառույցի անդամ, 6-րդ գումարման ԱԺ ԵԼՔ խմբակցության նախկին պատգամավոր Արամ Սարգսյանը բացառել է կառույցի ղեկավարի դերում իր առաջադրումը:

Միքայելյանը ներկաներին կոչ է արել «համախմբվել սպարապետ Վազգեն Սարգսյանի ստեղծած կառույցի շուրջ՝ մի կողմ թողնելով երբեմնի տարաձայնությունները»:

Առաջիկայում տեղի կունենա ԵԿՄ արտահերթ համագումար: