Երևանի քաղաքապետարանը մոտ 760 մլն դրամ կամ $1.5 մլն է տնտեսել գնումների գործընթացի արդյունքում, հայտնում է քաղաքապետարանի տեղեկատվության և հասարակայնության հետ կապերի վարչությունը:

Համայնքի 2019թ-ի բյուջեով նախատեսված միջոցների շրջանակում քաղաքապետարանի կարիքների համար հայտարարվել է 334 գնման ընթացակարգ:

Քաղաքապետ Հայկ Մարությանին զեկուցվել է, որ արդեն իսկ ամփոփվել են 125 գնման ընթացակարգերը, որոնց արդյունքում ընդհանուր առմամբ կնքվել են 5 119 մլրդ դրամի պայմանագիր՝ 5 879 մլրդ դրամ նախահաշվային արժեքի դիմաց: