Աշխատակցի հետ պայմանագիրը կլուծվի օրվա ընթացքում պարտականությունը անհարգելի կերպով չկատարելու դեպքում
Այսուհետ գործատուն հնարավարություն կունենա աշխատողի հետ լուծելու աշխատանքային պայմանագիրը՝ նախքան դրա գործողության ժամկետի լրանալը` պայմանագրով սահմանված պարտականություններն ամբողջ աշխատանքային օրվա ընթացքում առանց հարգելի պատճառի չկատարելու դեպքում։ Կառավարությունը նման փոփոխություն կատարեց «Աշխատանքային օրենսգրքում լրացում կատարելու մասին» օրենքի նախագծով:
Այս փոփոխությունը գործադիրին առաջարկել են ԱԺ պատգամավորներ Իվետա Տոնոյանը, Նորա Առուստամյանը և Գևորգ Պետրոսյանը:
Կառավարությունն էլ իր հերթին առաջարկել է անփոփոխ թողնել «Աշխատանքային օրենսգրքի» այն դրույթը, որով գործատուն աշխատակցի հետ աշխատանքային պայմանագիրը կարող է լուծել նաև աշխատանքային պայմանագրով կամ ներքին կարգապահական կանոններով իրեն վերապահված պարտականությունները առանց հարգելի պատճառի պարբերաբար չկատարելու պարագայում։