Հայ ըմբիշները 5 ոսկե մեդալ են նվաճել Լվովում անցկացված Իգոր Պերվաչուկի հուշամրցաշարում
Ազատ ոճի ըմբշամարտի Հայաստանի երիտասարդական հավաքականը փայլուն է հանդես եկել աշխարհի ու Եվրոպայի չեմպիոն Իգոր Պերվաչուկի հուշամրցաշարում։
Այս մասին հայտնում է Հայաստանի ըմբշամարտի ֆեդերացիայի պաշտոնական կայքը:
Ուկրաինայի Լվով քաղաքում անցկացված մրցաշարի հաղթող են դարձել Հարություն Մանուկյանը (57 կգ), Մեժլում Մեժլումյանը (61 կգ), Արման Անդրեասյանը (70 կգ), Հրայր Ալիխանյանը (74 կգ) և Մհեր Մարկոսյանը (86 կգ):
Լվովում հայ ըմբիշները հանդես են եկել Ավետիք Վարդանյանի գլխավորությամբ։
Հետևի՛ր մեզ քեզ հարմար սոցիալական ցանցում