ՀՀ մշակույթի նախարարության աջակցությամբ, Կամերային երաժշտության ազգային կենտրոնի նախաձեռնությամբ կազմակերպվում է 2 համերգ` նվիրված կոմպոզիտոր Տիգրան Մանսուրյանի 80-ամյակին:

Մարտի 21-ին, Կոմիտասի անվան կամերային երաժշտության տանը` Հայաստանի պետական կամերային երգչախմբի մասնակցությամբ (գեղարվեստական ղեկավար և դիրիժոր` Ռ. Մլքեյան) տեղի է ունեցել «Չարենցի հետ» խորագրով համերգը: Ծրագրում հնչել են Տիգրան Մանսուրյանի խմբերգային ստեղծագործությունները՝ Եղիշե Չարենցի խոսքերով:

Մարտի 26-ին` ժամը 19:00-ին, տեղի կունենա «Յոթ խմբերգ» խորագրով համերգը` Ավետիք Իսահակյանի խոսքերով: