Ճապոնիայում պայթյուն է որոտացել ԱՄՆ ռազմակայանում
Ճապոնիայում տեղակայված ամերիկյան ռազմակայաններից մեկում անհայտ անձինք մի քանի բալոն գազ են պայթեցրել: Այդ մասին հայտարարել է պաշտպանության նախարարության ճապոնական բյուրոն:
Միջադեպը տեղի է ունեցել «Քեմփ Ձուքերան» ԱՄՆ ռազմակայանում, որտեղ գտնվում է ճապոնական բյուրոյի գրասենյակը: Հանցագործության վայրում հայտնաբերվել է, որ պատնեշը վնասված է, ուստի ոստիկանությունը կարծում է, որ անհայտները ներթափանցել են ռազմակայանի տարածք, գրում է Lenta.ru-ն NHK-ի վրա հղումով:
Միջադեպի հետևանքով տուժածներ չկան:
Հետևի՛ր մեզ քեզ հարմար սոցիալական ցանցում