Կյանքից հեռացել է կինոբեմադրիչ Անյես Վարդան

90 տարեկանում մահացել է ֆրանսիացի լեգենդար կինոբեմադրիչ Անյես Վարդան: Ազգականների փոխանցմամբ, Վարդան մահացել է մարտի 29-ին իր տանը՝ քաղցկեղից:

Նշենք, որ Անյես Վարդան համարվել է «նոր ֆրանսիական ալիք» ուղղության հիմնադիրներից մեկը:

1962 թվականին համաշխարհային ճանաչում է ստացել կինոբեմադրիչի նկարահանած «Կլեոն 5-ից 7-ը» ֆիլմը:

2017 թվականին նա «Օսկար» է վաստակել կինոարվեստին մատուցած բազմամյա ծառայության համար:

Աշխատանքի ընթացքում Անյես Վարդան վաստակել է նաև ֆրանսիական և միջազգային բազմաթիվ այլ մրցանակներ: