Քաղաքացու օր սահմանող նախագիծն առաջին ընթերցմամբ ընդունվել է
ՀՀ Ազգային ժողովն առաջին ընթերցմամբ ընդունել է Քաղաքացու օր սահմանելու վերաբերյալ նախագիծը:
Ըստ կառավարության ներկայացրած «Տոների և հիշատակի օրերի մասին» օրենքում լրացում կատարելու մասին նախագծի՝ ապրիլ ամսվա վերջին շաբաթ օրը կնշվի որպես ՀՀ քաղաքացու օր:
ԼՀԿ խմբակցությունը չի մասնակցել քվեարկության: Կողմ է քվեարկել 92 պատգամավոր:
Ապրիլի վերջին շաբաթ օրը որպես Հայաստանի Հանրապետության քաղաքացու օր նշելու որոշումն ընդունվել էր կառավարության նիստում: 2018թ-ի ապրիլի 23-ին հրաժարականի մասին հայտարարեց ՀՀ երրորդ նախագահ, վարչապետի պաշտոնում ԱԺ կողմից ընտրված Սերժ Սարգսյանը, ինչը վերածվեց զանգվածային տոնախմբության: Մայիսի 8-ին ՀՀ վարչապետ ընտրվեց Նիկոլ Փաշինյանը, ինչը ևս տոնախմբության առիթ դարձավ:
Հետևի՛ր մեզ քեզ հարմար սոցիալական ցանցում