Հայտնի են Եվրոպայի առաջնությունում հայ ըմբիշների մրցակիցները
Բուխարեստում ընթացող Եվրոպայի առաջնությունում այսօր պայքարը կսկսեն 60, 67, 72, 82 և 97 կգ քաշային ըմբիշները:
60 կգ քաշային կարգում Գևորգ Ղարիբյանը պայքարը կսկսի 1/8 եզրափակչից, նրա մրցակիցը Լենուր Տեմիրովն է Ուկրաինայից:
67 կգ քաշային կարգում Կարեն Ասլանյանը որակավորման փուլում կգոտեմարտի աշխարհի առաջնության բրոնզե մեդալակիր, Լեհաստանը ներկայացնող Գևորգ Սահակյանի հետ:
72 կգ քաշային Հրանտ Կալաչյանի մրցակիցը որակավորման փուլում Աբույազիդ Մանցիգովն է Ռուսաստանից:
82 կգ քաշային Սարգիս Քոչարյանի մրցակիցը 1/8 եզրափակչում Ալեքսանդր Կոմարովն է Ռուսաստանից:
97 կգ քաշային կարգում աշխարհի առաջնության բրոնզե մեդալակիր Արթուր Շահինյանը պայքարը կսկսի որակավորման փուլից, որտեղ կգոտեմարտի շվեդ Պոնտուս Լունդի հետ:
Հետևի՛ր մեզ քեզ հարմար սոցիալական ցանցում