Ապօրինի զենքի կասկածանքով Երևանում զննել են Վիտալի Բալասանյանի մեքենան
ՀՀ ոստիկանության լրատվության վարչության պետ Աշոտ Ահարոնյանը հայտարարել է, որ խուզարկության գործընթացը որևէ առնչություն չի ունեցել Արցախի անվտանգության խորհրդի քարտուղար Վիտալի Բալասանյանի հետ։
«Ոստիկանությունը ապօրինի զենք-զինամթերքի վերաբերյալ տեղեկատվություն ստուգելիս զննության է ենթարկել մի ավտոմեքենա: Ավտոմեքենայի մեջ է գտնվել Արցախի Անվտանգության խորհրդի քարտուղար Վիտալի Բալասանյանը», - ֆեյսբուքյան իր էջում գրել է Ահարոնյանը։
Ոստիկանությունը պաշտոնապես տեղեկացնում է, որ այս գործընթացն ի սկզբանե որևէ առնչություն չի ունեցել Արցախի անվտանգության խորհրդի քարտուղար Վիտալի Բալասանյանի հետ և որ նրա անձի հետ կապված որևէ խնդիր չկա և չի եղել։
Հետևի՛ր մեզ քեզ հարմար սոցիալական ցանցում