Երևանի ավագանու «Իմ քայլը» խմբակցության անդամը հրաժարվել է մանդատից
Երևանի ավագանու «Իմ քայլը» խմբակցության անդամ Եվա Թովմասյանը դիմում է ներկայացրել ավագանու անդամի մանդատից հրաժարվելու մասին:
Այդ մասին ավագանու հրավիրված արտահերթ նիստի սկզբում տեղեկացրել է քաղաքապետ Հայկ Մարությանը, հայտնում է «Հայկական ժամանակը»:
Լիազորությունները վաղաժամկետ դադարեցրած ավագանու անդամի մանդատը, համաձայն Կենտրոնական ընտրական հանձնաժողովի (ԿԸՀ) հունիսի 4-ի արձանագրության, տրվել է «Իմ քայլը» խմբակցության ընտրական ցուցակի հերթական՝ հաջորդ թեկնածու Ասքանազ Աբրահամյանին:
Հետևի՛ր մեզ քեզ հարմար սոցիալական ցանցում