Օգոստոսի 1-ից Նորագավիթի մաքսատունն աշխատելու է 7-օրյա գրաֆիկով
Օգոստոսի 1-ից Նորագավիթի մաքսատունն աշխատելու են 7-օրյա գրաֆիկով, սպասարկելու է լրացուցիչ 6 աշխատակից:
ՀՀ պետական եկամուտների կոմիտեի փոխնախագահ Շուշան Ներսիսյանը հայտնել է, որ մաքսային պահեստներում բեռնաթափման աշխատանքներ իրականացվելու են նաև շաբաթ-կիրակի օրերին:
«Ուզում եմ նշել, որ այս ամենին համալիր լուծում տալու նպատակով շատ կարևոր է վարչապետի՝ ավտոմաքսատունը Գյումրի տեղափոխելու հանձնարարականը, որտեղ կապահովվեն բոլոր անհրաժեշտ պայմանները և կստեղծվեն համապատասխան ենթակառուցվածքներ ավտոմեքենան արագ և հեշտ մաքսազերծելու և հաշվառելու համար: Հանձնարարականի առնչությամբ լայնածավալ աշխատանքներն արդեն մեկնարկել են և, ինչպես վարչապետը հայտարարեց, ավտոմաքսատունն արդեն տեղափոխված կլինի Գյումրի մինչև տարեվերջ», - գրել է Ներսիսյանը:
Հետևի՛ր մեզ քեզ հարմար սոցիալական ցանցում