Վարչապետ Նիկոլ Փաշինյանը երեկ ընդունել է Հայաստանում Միացյալ Նահանգների դեսպան Ռիչարդ Միլսին և Մեծ Բրիտանիայի և Հյուսիսային Իռլանդիայի Միացյալ Թագավորության դեսպան Ջուդիթ Մարգրեթ Ֆարնուորթին:

Հայաստանի վարչապետի պաշտոնական կայքէջի փոխանցմամբ՝ հանդիպմանը քննարկվել են տարբեր ոլորտներում ընթացիկ համագործակցությունը և դրա զարգացման հեռանկարները: Արծարծվել են համատեղ ծրագրերին, այդ թվում՝ Ամուլսարի ներդրումային ծրագրի ընթացքին և «Լիդիան Ինթերնեյշնլ» ընկերության գործունեությանը վերաբերող հարցեր: