Հայկական զինված ուժերի ԳՇ պետ Արտակ Դավթյանը Ալմաթիում մասնակցել է ՀԱՊԿ ռազմական կոմիտեի նիստին
Հայկական զինված ուժերի ԳՇ պետ, գեներալ-լեյտենանտ Արտակ Դավթյանը Ալմաթիում մասնակցել է ՀԱՊԿ ռազմական կոմիտեի նիստին։
Հաղորդագրության մեջ նշվում է, որ քննարկել են տաջիկա-աֆղանական սահմանին ձևավորվող իրավիճակը։
Նշենք՝ Տաջիկստանը հարավում անմիջապես սահմանակից է Աֆղանստանին, ինչն էլ մտահոգություն է առաջացնում, որ Աֆղանստանից կարող են ներխուժել «Թալիբանի» և «Իսլամական պետության» զինյալները:
Բացի այս, քննարկել են ռազմական անվտանգության սպառնալիքներին և ՀԱՊԿ հավաքական անվտանգության տարածաշրջանում հակաօդային ու հակահրթիռային պաշտպանության կազմակերպմանն առնչվող հարցեր:
Հետևի՛ր մեզ քեզ հարմար սոցիալական ցանցում