Համաձայն որոշ աղբյուրների՝ Գյումրիի քաղաքապետ Սամվել Բալասանյանը վաճառքի է հանել իր ընտանիքին պատկանող հրուշակեղենի ֆաբրիկան
Համաձայն որոշ աղբյուրների՝ Գյումրիի քաղաքապետ Սամվել Բալասանյանը վաճառքի է հանել իր ընտանիքին պատկանող, Գյումրիում գործող «Անուշարան» հրուշակեղենի ֆաբրիկան:
Բալասանյանը հրուշակեղենի ֆաբրիկան վաճառում է 800 հազար դոլարին համարժեք դրամով: Թե որն է բիզնեսը վաճառելու պատճառը, պարզ չէ, մանավանդ, երբ հրուշակեղենի ֆաբրիկան տևական ժամանակ է՝ գործունեություն է ծավալում:
«Ժողովուրդ» օրաթերթը փորձել է այս լուրը ճշտել հենց Սամվել Բալասանյանից, սակայն վերջինս, լսելով հարցը, անմիջապես անջատել է հեռախոսը:
«Իսկապես, Բալասանյանը չի կարող ինտեգրվել նոր Հայաստանին, որպեսզի պատասխանի նաև լրագրողների հարցերին, թեկուզ և՝ իր համար անցանկալի»,- գրում է թերթը:
Հետևի՛ր մեզ քեզ հարմար սոցիալական ցանցում