Նիկոլ Փաշինյան․ «ՀՀԿ-ն ցույց տվեց, որքան կհավաքեր վերջին 18 տարում ազատ ընտրություններ լինելու դեպքում»
ՀՀԿ ցուցանիշը ԱԺ ընտրություններում արտահայտում է այն իրողությունը, որը կլիներ նաև նախկինում, եթե երկրում ազատ ընտրություններ լինեին։
Այս մասին է հայտարարել «Իմ Քայլի» առաջնորդ Նիկոլ Փաշինյանն ամփոփիչ ասուլիսի ժամանակ։
«Մենք միշտ ասում էինք, որ եթե ՀՀ-ում լինեն ազատ ընտրություններ, ՀՀԿ-ն չի հաղթահարի անցողիկ շեմը կամ կղեկավարի դժվարությամբ» - նշել է նա։
Խոսելով ցածր մասնակցության մասին, վարչապետի պաշտոնակատարը նշել է, որ ընտրական օրենսգրքի փոփոխության անհրաժեշտություն և ընտրողների ցուցակների ճշգրտման անհրաժեշտություն կա։
«Այս անգամ քաղաքացին գնացել կամ նույնիսկ չի գնացել սեփական ազատ ընտրությունից ելնելով», - ասել է Փաշինյանը
«Ռեյթինգայինի հետ կապված խնդիրներ կան։ Պետք է այդ խնդիրները քննարկենք։ Մեր առաջարկած ԸՕ-ում այն վերացվում էր», - հիշեցրել է նա, նշելով, որ հարցը կքննարկվի ավելի հանգիստ պայմաններում։