«2013-2016թթ-ին աշխատել եմ ճնշումների և սպառնալիքների ներքո»․ Նախկին ՄԻՊ
2011-2016թթ-ին ՀՀ մարդու իրավունքների նախկին պաշտպան Կարեն Անդրեասյանը Հանրային հեռուստաընկերության ուղիղ եթերում հայտարարել է, որ ինքն աշխատել է իրեն ու իր ընտանիքին ուղղված սպառնալիքների և ճնշումների ներքո:
Նախկին ՄԻՊ-ը նաև նշել է, որ առայժմ չի պատրաստվում անուններ նշել ու մանրամասնել, թե կոնկրետ ինչ ճնշումների և սպառնալիքների է ենթարկվել: Նա միայն հավելել է, որ իր և հարազատների հասցեին եղել են նույնիսկ ֆիզիկական անվտանգությանն ուղղված սպառնալիքներ:
«Եթե ես բացահայտեմ մեթոդոլոգիան և անունները, ապա քրեական գործերի անվերջ շարան կլինի», - ասել է նախկին ՄԻՊ-ը՝ հավելելով, որ ճնշումների գործադրումը սկսվել է 2013թ-ից:
Հետևի՛ր մեզ քեզ հարմար սոցիալական ցանցում