Մարտի 29-ին Փաշինյանն ու Ալիևը Վիեննայում հանդիպելու են Ավստրիայի նախագահի հետ
Ավստրիայի նախագահ Ալեքսանդր Վան Դեր Բելենը մարտի 29-ին Վիեննայում առանձին հանդիպումներ կունենա Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի հետ: Այս մասին հայտնել է Ավստրիայի նախագահի մամուլի ծառայությունը:
Պաշտոնական Երևանն ու Բաքուն դեռևս չեն հստակեցրել՝ կհանդիպեն երկու երկրի ղեկավարները Վիեննայում, թե՝ ոչ:
Ավելի վաղ ԵԱՀԿ Մինսկի խմբի համանախագահները հայտարարել էին, որ աշխատում են Հայաստանի և Ադրբեջանի ղեկավարների բանակցությունները կազմակերպելու ուղղությամբ:
Հետևի՛ր մեզ քեզ հարմար սոցիալական ցանցում