«Ավարտվեց մեր 63-րդ այցը սահմանապահ զորամաս»․ Հակոբ Ճաղարյան
Նիկոլ Փաշինյանի՝ ավիացիայի գծով խորհրդական Հակոբ Ճաղարյանն իր ֆեյսբուքյան էջում գրել է․
«Ավարտվեց մեր 63-րդ այցը դեպի սահմանապահ զորամաս:
Չեմ սխալվել, 61-ից հետո 63-րդը նշելով: 62-րդ այցը մեր նախաձեռնության շրջանակներում կազմակերպել է իմ լավ ընկեր և արժանավոր մարդ, Իջևանի «Ապագա Ռեզորտ» սեփականատեր Արտակ Չիբուխչյանը (Artak Chibukhchyan) իր աշխատակիցների՝ այս ճոպանուղին կառուցողների հետ միասին: Եվ մինչ Հինգշաբթի երեկոյան սկսված իմ այցը նրանք մի շաբաթ առաջ արդեն վերականգնել են վթարված հատվածը, ավելի ամուր և վստահելի դարձրել, սարի գլխին ամրացրել են քարշակը, և այլ բաներ, որը ցույց կտանք վերջնական տարբերակում:
Ես տարել եմ 7,5-8 KW հզորությամբ գեներատոր, որի ձեռքբերմանը այս անգամ էլ մասնակցեց «Թուֆենկյան» հիմնադրամը և անձամբ իմ հարգելի Րաֆֆի Դուդակլյանը:
Էս անգամ «անվտանգության պատասխանատուն» թոռնիկս էր` Հայկը:
Մնաց մի գրագետ էլեկտրիկի գործ` էլեկտրական միացումների տալը:
Վերջում էլ, ինչպես կարգն է՝ ծաղկեփնջեր Մռավին իր գեղեցկության ու մոգական գրավչության համար:
Սա ՀԱՅԱՍՏԱՆ է, և ՎԵՐՋ»։