Պավել Կլիմկին․ «Ուկրաինայի նախագահական ընտրություններին ռուս դիտորդներ չեն լինի»
Ուկրաինայի արտգործնախարար Պավել Կլիմկինը հայտարարել է, որ երկրում այս տարի սպասվող նախագահական ընտրություններին դիտորդական առաքելություն չեն իրականացնի ռուս դիտորդները, նախարարությունը չի ընդունելու նրանց հայտերը: Այդ մասին նախարարը գրել է Facebook-ում:
Կլիմկինի խոսքով` նա նամակ է ուղարկել ԵԱՀԿ Ժողովրդավարական հաստատությունների և մարդու իրավունքների բյուրոյի (ԺՀՄԻԳ) տնօրեն Ինգիբերգ Սոլրուն Գիսլադոտիրին և հրավիրել Ուկրաինա` դիտորդական առաքելություն իրականացնելու:
«Ուկրաինայի արտգործնախարարությունը, սակայն, չի գրանցի ռուսական դիտորդական կազմակերպություններին»,- ընդգծել է նախարարը:
Ուկրաինայի նախագահական ընտրությունները տեղի կունենան 2019թ-ի մարտի 31-ին:
Հետևի՛ր մեզ քեզ հարմար սոցիալական ցանցում