Ֆրանսիայի ԱԳ նախարարը նշել Է Սիրիայից զորքերի դուրսբերման պայմանը
Ֆրանսիան Սիրիայից իր զորքերը դուրս կբերի այն ժամանակ, երբ քաղաքական լուծում կգտնվի:
Այդ մասին հայտարարել Է Ֆրանսիայի արտաքին գործերի նախարար Ժան Իվ լե Դրիանը:
Սիրիայում զինված հակամարտությունը շարունակվում Է 2011թ-ից: ԱՄՆ-ը և նրա դաշնակիցները 2014թ-ից Իրաքում և Սիրիայում գործողություններ են իրականացնում ԻՊ-ի դեմ: Սիրիայում գործում են մոտավորապես 2 հազար ամերիկացի զինվորականներ, որոնք «Սիրիայի դեմոկրատական ուժերի» հետ միասին տարածքներ են վերահսկում երկրի հյուսիսում և հյուսիս-արևելքում:
«Առկա Է մեր ռազմական ներկայությունը Իրաքում, մենք փոքրաթիվ ուժերով ենք ներկա Սիրիայում: Իհարկե, երբ գտնվի քաղաքական լուծում, մենք դուրս կգանք այնտեղից»,- ասել Է լե Դրիանը CNews հեռուստաալիքի եթերում, հաղորդել Է ՌԻԱ Նովոստին:
Հետևի՛ր մեզ քեզ հարմար սոցիալական ցանցում