Գյուղմթերք վերամշակողների վարկերը կսուբսիդավորվեն
Գործադիրը կսուբսիդավորի գյուղատնտեսական մթերքներ վերամշակողների վարկերը: Համապատասխան որոշումն ընդունվել է ՀՀ կառավարության փետրվարի 28-ի նիստում:
Մթերող ընկերությունների համար մշակվել է վարկերի տոկոսադրույքի սուբսիդավորման հատուկ ծրագիր։
Վարկերը պետական սուբսիդավորման արդյունքում տնտեսվարողներին կհատկացվեն տարեկան ընդամենը 3% տոկոսադրույքով՝ 9%-ի փոխարեն: Յուրաքանչյուր ընկերությանը տրամադրվող վարկի առավելագույն գումարը կազմում է մինչև 1.5 մլրդ դրամ: Մարման ժամկետն առավելագույնը մեկ տարի է:
Նածագծում նշվում է, որ սուբսիդավորման ենթակա վարկերը պետք է նպատակաուղղվեն բացառապես մթերվող գյուղատնտեսական հումքի` պտուղ-բանջարեղենի, խաղողի և կաթի կանխավճարի կամ արժեքի վճարմանը:
Հետևի՛ր մեզ քեզ հարմար սոցիալական ցանցում