«Թուրքիան ոչ միայն ցեղասպանությունն է ժխտում, այլ մեր ազգի գոյությունը»․ Լիբանանահայ պատմաբան Վիգեն Չեթերյան
Լիբանանահայ պատմաբան, գրող ու լրագրող Վիգեն Չեթերյանը (Vicken Cheterian), ով ներկայումս նաև դասախոսում է Ժնևի համալսարանում, անդրադարձել է Թուրքիայի կողմից Հայոց ցեղասպանության ժխտման քաղաքականությանը։
Չեթերյանը թվիթերում նկար է հրապարակել Թուրքական ավիաուղիների ինքնաթիռից, որում ցուցադրվող քարտեզի վրա բացակայում է Երևանը, Հայաստանը։
«Թուրքիայում ժխտողականության նոր քաղաքականություն է իրականացվում։ Մի քանի ընկերներ, որոնք օգտվել են Թուրքական ավիաուղիներից, նկատել են, որ Հայաստանը, Երևանը և այլն, բացակայում են էկրանի քարտեզից։ Նայեք Ստամբուլ-Տաշքենդ չվերթը։ Ոչ միայն ցեղասպանությունն է մերժվում, այլ նաև ազգի գոյությունը»,- գրել է Չեթերյանը։
Հիշեցնենք, որ ապրիլի 24-ին Էրդողանը Օսմանյան կայսրության բնակչությանն անվանել էր «հայ հրոսակներ ու նրանց աջակիցներ» ու նրանց տեղահանումները համարել այդ ժամանակ «ամենատրամաբանական վարքագիծ»։
Այս հայտարարությունը ՀՀ վարչապետ Փաշինյանն անվանել է ծայրահեղ ատելության խոսք անձամբ Էրդողանի կողմից ու կոչ արել միջազգային հանրությանը չլռել։ ԱԳ նախարար Զոհրաբ Մնացականյանը Էրդողանի հայտարարությունը անվանել է ոչ թե ուղղակի մերժում, այլ ցեղասպանության արդարացում։
A new denialist policy seems in place in #Turkey, several friends who took #TurkishAirlines remarked that #Armenia, #Yerevan etc. absent from the screen.
— Vicken Cheterian (@YesVicken) April 30, 2019
See this pic from #Istanbul-#Tashkent flight. Not just #genocide is denied, but the existence of a nation!@TurkishAirlines pic.twitter.com/iy7ouCrOty