Առողջապահության նախարարի զգուշացումը․ «Չպատվաստվելը հանգեցնելու է համաճարակների»
ՀՀ առողջապահության նախարար Արսեն Թորոսյանը լրագրողների հետ հանդիպմանը մտահոգություն է հայտնել, որ պատվաստումների ծածկույթի նվազումն անխուսափելիորեն դառնալու է համաճարակների պատճառ:
Նախարարն արձանագրել է, որ որոշ պատվաստումների մասով, օրինակ` կարմրուկի դեմ ծածկույթը նվազել է 90%-ից, մինչդեռ դա պետք է պահպանվի 95%-ի սահմանում:
Թորոսյանը շեշտել է․
«Այս իրավիճակն ահազանգ է առողջապահական գերատեսչության համար: Աշխարհը գնում է հիվանդությունների վերացման ճանապարհով, մենք էլ պետք է գնանք այդ ուղղությամբ: Օրինակ նույն պոլիոմելիտը վերացման եզրին է պատվաստումների շնորհիվ, ու եթե հանկարծ հակառակ տենդենցը սկսվի, մենք էլի ունենալու ենք բազմաթիվ մահացած և հաշմանդամ երեխաներ»,- ասել է Արսեն Թորոսյանը:
Հետևի՛ր մեզ քեզ հարմար սոցիալական ցանցում