WhatsApp ծրագրի հեղինակները կոչ են անում 1.5 միլիարդ օգտագործողներին թարմացնել ծրագիրը՝ անվտանգության նկատառումներից ելնելով։

Այս ծանուցումն օգտատերերը ստացել են երեքշաբթի՝ մայիսի 14-ին, այն բանից հետո, երբ մտահոգություն հայտնվեց, որ հաքերները կարող են ներթափանցել ծրագրի մեջ և դրա միջոցով կատարել հեռախոսազանգեր։

Ֆեյսբուք սոցիալական կայքին պատկանող այս ընկերությունը հայտնել է (CVE-2019-3568), որ լրտեսական ծրագիրը տարածվել է և վարակել բազմաթիվ բջջային հեռախոսներ՝ օգտագործելով մի խոշոր խոցելիություն WhatsApp ծրագրում:

Իսրայելական լրտեսող ծրագրեր մշակող NSO Group-ի ստեղծած ծրագիրը հնարավորություն է տալիս հաքերներին հեռակա կարգով կառավարել հասանելիության հնարավորությունը՝ թույլ տալով նրանց կարդալ հեռախոսի հաղորդագրությունները, տեսնել կոնտակտները և ակտիվացնել տեսախցիկը:

WhatsApp-ն արդեն հաստատել է, որ «զոհերը» եղել են որոշակի ընտրված համարների տերեր, և որ այդ ծրագիրն ազդել է բոլոր տարբերակների վրա՝ բացի ամենավերջինից։